Electio betyr val – og val er noko av det mest grunnleggande vi står i som menneske.
Å ha eit val opnar for nye moglegheiter, retningar og perspektiv – både for enkeltpersonar og for bedrifter. Samtidig veit vi at val kan vere krevjande. Kva er rett? Når skal ein velje? Kva står ein i fare for å miste – eller vinne?Eg er opptatt av at val ikkje treng å takast aleine. Å ha nokon å snakke med – ein samtalepartnar som lyttar, stiller undrande spørsmål og bidreg med nye perspektiv – kan gi både klarheit og tryggleik.Val handlar ikkje berre om å vite – men om å kjenne etter, utforske og bli meir bevisst. Det rommet ønskjer eg å tilby.
Eg heiter Anette Lauareid Hovda og har master i familieterapi og relasjonelt arbeid. Med bakgrunn som barnehagelærar, EQ-terapeut og meir enn 25 års erfaring som leiar i både offentleg og privat sektor, møter eg deg med både fagleg forankring og levd erfaring.Mi overtyding er at du sit med svaret sjølv – på kva som er rett for deg, di livssituasjon eller di verksemd. Mi rolle er ikkje å gi fasiten, men å vere ein trygg samtalepartnar som stiller opne, nysgjerrige spørsmål og hjelper deg å få tak i det som verkeleg betyr noko for deg.Gjennom ei reflekterande og relasjonell tilnærming inviterer eg til utforsking, innsikt og utvikling – i eit rom der du får vere heil, og der både det profesjonelle og det personlege kan få plass.
